१५ पुस । हेटौडा । सामुदायिक सञ्चार समुहद्वारा सञ्चालित रेडियो सन्देशले आफ्नो शुभारम्भको अवसरको कार्यक्रम तथा निकास साप्ताहीकको १५ औँ वार्षिकोत्सव थाईल्याण्डको बैंककमा गर्ने भएको छ ।
आज हेटौँडाको न्युज क्लब नेपालमा पत्रकार सम्मेलनको आयोजना गरि रेडियो सन्देशका अध्यक्ष तथा निकास साप्ताहिकका प्रकाशक सुनिल खड्काले फागुनको २३ गतेबाट २७ गतेसम्म थाईल्याण्डमा हुने विशेष कार्यक्रबिच रामचन्द्र स्मृति सिर्जनशिल राष्ट्रिय पत्रकारिता पुरस्कार वितरण गर्ने बताए ।
खड्काले आफ्ना स्वर्गिय पिताको नाउँमा स्थापना गरेको पुरस्कार“रामचन्द्र स्मृति सिर्जनशिल राष्ट्रिय पत्रकारिता पुरस्कार ” तथा वर्ष ब्यक्ति सम्मान समेत त्यहि कार्यक्रमकै अवसरमा प्रदान गरिने बताए ।

कार्यक्रममा रेडियोले शुभारम्भको अवसरमा विज्ञापन दाताको लागि शुरु गरेको निशुल्क विदेश भ्रमणको योजना अन्र्तगत करिब ३ दर्जन विज्ञापनदातालाई समेत निशुल्क थाईल्याण्ड भ्रमणको अवसर प्रदान गर्न लागेको समेत उनले जानकारी दिए ।
कार्यक्रममा सहभागि हुन मकवानपुरे पत्रकार सहित ६० जनाको हारहारीमा फागुन २३ गते प्रस्थान गर्ने समेत आयोजकको भनाई रहेको थियो । कार्यक्रममा बोल्दै नेपाल पत्रकार महासंघ तीन नंबर प्रदेशका अध्यक्ष प्रताप विष्टले सञ्चार क्षेत्रले विदेशमा गएर कार्यक्रमहरु गर्नु सुखद पक्ष भएको बताए ।

पत्रकार सम्मेलनमा पत्रकार महासंघ प्रदेश नंबर ३ का महासचिव कृष्ण सारुमगर, मकवानपुर अध्यक्ष हरि हुमागाई लगाएतको आतिथ्यता रहेको थियो ।