बालिका बलात्कारको अभियोगमा पूर्वप्रहरी खरेल पक्राउ
![](https://www.bagmatisamachar.com/wp-content/uploads/2019/05/1557743087rep.jpg)
३० बैशाख । काठमाडौं । ७ वर्षीया बालिका बलात्कार गरी फरार भएका राष्ट्रिय असुसन्धान विभागका पूर्वप्रहरी पक्राउ परेका छन् । बलात्कार गरी फरार पूर्वप्रहरी भुवन भन्ने राजु खरेललाई महानगरीय अपराध महाशाखाको टोलीको समन्वयमा कञ्चपुर प्रहरीले सोमबार पक्राउ गरेको हो ।
अपराध महाशाखाले उनलाई कञ्चनपुरको बेलौरीबाट पक्राउ गरिएको जनाएको छ । उनलाई आजै कञ्चनपुरबाट काठमाडौं ल्याउने तयारी भइरहेको महाशाखा स्रोतले जनाएको छ ।
प्रहरीका अनुसार खरेलले रामेछाप खाडादेवी–२ की माझी थरकी ७ वर्षीया बालिकालाई गत वर्षको फागुनदेखि चैतसम्म पटक पटक बलात्कार गरेको उजुरी परेको थियो ।
पीडित बालिकाका परिवारले बानेश्वर प्रहरी वृत्तमा उजुरी दिएपछि खरेल फरार थिए । खरेलमाथि अनुसन्धान भइरहेको प्रहरीले जनाएको छ ।
प्रतिक्रिया दिनुहोस्: