बागमतीमा आलोपालो सरकार चलाउने एमाले कांग्रेसको सहमति
![](https://www.bagmatisamachar.com/wp-content/uploads/2024/07/bahadur-lama-1-e1721719923697-768x576.jpg)
काठमाडौं । नेकपा एमाले र नेपाली कांग्रेसबीच बागमती प्रदेशमा आलोपालो सरकार चलाउने सहमति भएको छ । दुवै दलले आधा आधा मुख्यमन्त्रीको नेतृत्व गर्ने सहमति भएको हो । सुरुको सरकार नेपाली कांग्रेसले गर्ने छ भने त्यसपछि एमाले नेतृत्वको सरकार बन्ने दुई दलबीच सहमति भएको हो ।
सहमति अनुसार नेपाली कांग्रेसका बहादुर सिंह लामा अब मुख्यमन्त्री बन्ने छ । उनको नेतृत्वमा बन्न लागेको बागमति प्रदेश सरकारमा एमालेले भौतिक पूर्वाधार सहित ६ मन्त्रालय लिने छ ।
मुख्यमन्त्रीको नेतृत्व पाएको कांग्रेसले मुख्यमन्त्रीसहित ७ वटा मन्त्रालय चलाउने छ । कांग्रेसले आर्थिक मामिला तथा योजना मन्त्रालय , आन्तरिक मामिला तथा कानुन मन्त्रालय, सामाजिक मन्त्रालय , युवा तथा खेलकुद मन्त्रालय , श्रम रोजगार तथा यातायात मन्त्रालय , सस्कृती, पर्यटन तथा सहकारी मन्त्रालय लिने तय भएको छ ।
यसैगरी एमालेले भौतिक सहित खानेपानी, उर्जा तथा सिंचाइ मन्त्रालय , कृषि तथा पशुपन्छी बिकास मन्त्रालय, वन तथा वातावरण मन्त्रालय , उद्योग, वाणिज्य भूमि तथा प्रशासन मन्त्रालय र स्वास्थ्य मन्त्रालय लिने छ ।
प्रतिक्रिया दिनुहोस्: