हेटौँडा । कवि यश लामाको पहिलो कविता कृति बहिष्कृत आवाजको विमोचन गरिएको छ ।
शनिबार भएको एक साहित्यिक कार्यक्रममा लामाको पहिलो कृतिको रूपमा कविता सङ्ग्रह बहिष्कृत आवाजको विमोचन भएको हो ।
डा. रामजी राम, साहित्यकार निमेष निखिल, मकवानपुरगढी गाउँपालिकाकी उपाध्यक्ष मानकुमारी नेपाली, कवि लामा र उहनकी छोरीले कविता संग्रह सार्वजनिक गरेका हुन् ।

६ वटा खण्डमा विभाजन गरी कविता संग्रह प्रकाशित गरिएको हो । विद्यालय जीवनदेखि नै कविता लेख्दै आए बारा जिल्लाको निजगढ नगरपालिका–७ का स्थायीवासी लामाले करिब १० वर्ष अवधिमा लेखिएका ४५ वटा कवितालाई बहिष्कृत आवाजमा समावेश गरेका छन् ।

सांग्रिला बुक्सद्वारा प्रकाशित कविता संग्र्रहमाथि मकवानपुरगढी गाउँपालिकाकी उपाध्यक्ष मानकुमारी नेपाली र डा. रामजी रामले टिप्पणी गरेका थिए ।