काठमाडौं । नेकपा एमालेले कीर्तिपुर नगरपालिकाको मेयरमा डा.सुरेन्द्र मानन्धरको उम्मेदवारी घोषणा गरेको छ।

एमाले केन्द्रीय सदस्यसमेत रहेका मानन्धरलाई नगर कमिटीले मेयरको उम्मेदवारको लागि सर्वसम्मत सिफारिस गरेको छ । आगमी मंसिर १६ गते हुन गइरहेको उपनिर्वाचनको दलहरुले उम्मेदवार तोक्नेलगायतका तयारी गरिरहेका छन् ।

२०७९ को स्थानीय तह निर्वाचनमा नेपाली कांग्रेसका राजकुमार नकर्मी कीर्तिपुर नगरपालिका मेयर निर्वाचित भएका थिए। गत साउन महिनामा उनको निधन भएकाले उपनिर्वाचन हुन लागेको हो।

यसअघि राप्रपाले इन्जिनियर ध्रुब महर्जनलाई उक्त पदमा उम्मेदवारी घोषणा गरिसकेको छ।