प्रसाईंले सोमबार कम्बोडियाको स्मार्ट एजियाटा नामक कम्पनीमा प्रधानमन्त्री केपी शर्मा ओलीको २१ करोड अमेरिकी डलर लगानी रहेको भन्दै भिडियो सामग्री सामाजिक सञ्जाल फेसबुकमा राखेका थिए । उनले फेसबुकमार्फत सार्वजनिक गरेको कागजातमा प्रधानमन्त्री ओलीको नाम र हस्ताक्षर नक्कली रहेको पाइएको छ ।

साइबर अपराध र गाली बेइज्जतीसम्बन्धी कसुरमा प्रसाईं यसअघि ६ असोजमा पनि पक्राउ परेका थिए । तर, जिल्ला अदालत काठमाडौंले दुवै मुद्दामा ५०–५० हजार रुपैयाँ धरौटीमा छोड्न आदेश दिएपछि प्रसाईं १५ असोजमा रिहा भएका थिए ।