काठमाडौं । नेपाली कांग्रेसका महामन्त्री गगन थापाले नेपाली कांग्रेसलाई प्रधानमन्त्रीको अफर आइरहेको बताएका छन् । चुनाबी सभालाई कीर्तिपुरमा सम्बोधन गर्दै थापाले माओवादीले यस्तो अफर पठाएको बताए । उनले नेकपा माओवादी केन्द्रका अध्यक्ष पुष्पकमल दाहाल प्रचण्डले सभापति शेरबहादुर देउवालाई प्रधानमन्त्री बन्न अफर गरेको बताएका हुन् । ‘अहिले भर्खर प्रचण्डले माथि आएर बोलेर जानुभएछ । यो यो कारणले सरकार बदलियो भनेर जानुभयो । अहिले पनि प्रचण्डले हप्तामा एकपटक कांग्रेसलाई खबर पठाउनु हुन्छ । लौन प्रधानमन्त्री बनिदिनु पर्‍यो भनेर ।’ थापाले कीर्तिपुरमा भने । माओवादीको यस्तो अफर भए पनि आफूहरु एमालेसँगको सहकार्यमा रहेका कारण यो सरकार पुरै समय जाने पनि थापाले दाबी गरे ।