काठमाडौं । नेकपा माओवादी केन्द्र अध्यक्ष पुष्पकमल दाहाले प्रचण्डले गगन थापाले सफेद झुट बोलेको बताएका छन् । गगन थापा युवा नेतामा आशा लाग्दारुपमा हेरेको भए पनि अहिलेको भूमिकाका कारण उनी माथि दया लागेको प्रचण्डले बताए । सरकार भन्दा प्रतिपक्षीमा रहँदा सहज भएको भन्दै अहिले सरकारतिर आफ्नो ध्यान नभएको हुनाले गगनले बोलेको कुरा सरासर झुट भएको बताए । यतिसम्म तल झरेर झुट बोल्नेको हुनाले गगन थापालाई आफ्नो कुरा सच्याउन पनि प्रचण्डको आग्रह थियो । ०८४ सम्मै यही गठबन्धन चलोस भन्ने आफु भएको भन्दै सरकार फेर्ने कांग्रेसलाई प्रधानमन्त्रीको अफर गर्ने कुरा आफूबाट कही कतै पनि नभएको प्रचण्डको भनाइ थियो । नेपाली कांग्रेसका महामन्त्री गगन थापाले केहीदिन अघि कीर्तिपुरको चुनाबी सभालाई सम्बोधन गर्दै प्रचण्डले शेरबहादुर देउवालाई हप्तामा एकपटक प्रधानमन्त्रीको अफर गरेको बताएका थिए ।