काठमाडौं । काठमाडौंको स्वर्णलक्ष्मी सहकारी ठगी आरोप लागेका रास्वपाका सभापति रबि लामिछानेको बयान आइतबार पनि सकिएको छैन् । उनको सोमबार फेरि बयान लिइने भएको छ । कामपा १४ मा सञ्चालित स्वर्णलक्ष्मी सहकारी ठगी मुद्दाको बयानका लागि काठमाडौं ल्याइएका लामिछानेको शुक्रबारदेखि बयान सुरु भएको हो । पोखराबाट ल्याइएका लामिछानेलाई सरकारी वकिलको कार्यालयले काठमाडौंले बयान लिइरहेको छ । सहकारीको रकम गोरखा मिडिया मार्फत दुरुपयोग गरेको आरोपमा लामिछाने पक्राउ परेका हुन् । विहीबार अनुसन्धानका लागि पोखराबाट काठमाडौं ल्याइएका लामिछाने जिल्ला प्रहरी परिसर भद्रकालीको हिरासतमा छन् ।