काठमाडौं । साताको तेस्रो कारोबार दिन आज नेपाल स्टक एक्सचेञ्च नेप्से सामान्य अंकले घटेको छ । आज नेप्से परिसूचक शुन्य दशमलब २३ प्रतिशत अर्थात ६ दशमलब ३२ अंकले घटेर २ हजार ६६९ दशमलब ८२ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि शुन्य दशमलब १६ प्रतिशतले घटेर ४५४ दशमलब ९१ विन्दुमा झरेको छ । यो दिन नेप्सेमा सूचीकृत मध्ये ३०३ वटा स्क्रिप्टको ८७ लाख ६८ हजार ५६६ कित्ता सेयर ४ अर्ब ४१ करोड ३३ लाख रुपैयाँभन्दा बढीको कारोबार भएको  छ ।

आजको कारोबार अघिल्लो दिनको तुलनामा कम हो । अघिल्लो दिन भने ५ अर्ब ६२ करोड बढीको कारोबार भएको थियो ।