काठमाडौं । जनकपुर बोल्ट्सले काठमाडौं गुर्खाजलाई पाँच विकेट हराएको छ । काठमाडौंले दिएको १०२ को लक्ष्यलाई जवाफी ब्याटिंग गर्दै जनकपुरले १५ ओभर पाँच बलमै खेल आफ्नो पक्षमा पारेको हो । जनकपुरका लागि हर्ष ठाकरले नट आउट रहँदै सर्वाधिक २७ रन जोडे ।  यसैगरी जिमी निशम २५  रनमा आउट भए । यसअघि काठमाडौं गुर्खाज १९ ओभर ३ बल खेल्दै अलआउट भएर १०१ रन मात्र बनाउन सक्यो । यससँगै काठमाडौंमाथि ५ विकेटको जितका साथ जनकपुर प्लेअफमा स्थान पक्का गर्ने पहिलो टोली बनेको छ ।